∙ പുതിയ മെയില് അയക്കാന് : പുതിയൊരു മെയില് അയക്കേണ്ടി വന്നാല് നമ്മളെല്ലാം ചെയ്യുക കംപോസ് മെയില് ബട്ടണില് ഞെക്കുകയാകും. എന്നാല് ജിമെയിലില് അതിനൊരു എളുപ്പവഴിയുണ്ട്. c എന്ന അക്ഷരം മാത്രം ടൈപ്പു ചെയ്താല് പുതിയ മെയില് അയക്കാനുള്ള വിന്ഡൊ തെളിഞ്ഞുവരും.
∙ തിരച്ചിലിന് : നേരത്തെ വന്ന സന്ദേശങ്ങളിലൊന്ന് തെരഞ്ഞുപിടിക്കല് മെയില് ഉപയോഗിക്കുമ്പോളുള്ള പ്രധാന പണികളിലൊന്നാണ്. ഇതിനും എളുപ്പവഴിയുണ്ട് ജിമെയിലില്. '/' കീ ഒന്ന് ഞെക്കിയാല് തിരച്ചിലിനുള്ള കമാന്ഡായി. സെര്ച്ച് ബാറില് നിങ്ങള്ക്ക് ആവശ്യമുള്ളത് തിരയുക മാത്രമാണ് പിന്നെയുള്ള പണി.
∙ വായിക്കാത്തവ : വായിച്ചതും വായിക്കാത്തതും നക്ഷത്ര ചിഹ്നം രേഖപ്പെടുത്തിയതുമായ മെയിലുകളെല്ലാം കൂടിക്കുഴഞ്ഞാണ് മെയിലില് സാധാരണ കിടക്കുക. വായിക്കാത്ത ഇമെയിലുകള് ഒരുമിച്ചിടുന്നതിനും മാര്ഗ്ഗമുണ്ട്. 'shiht+8+u' എന്ന ഷോട്ട് കീയാണ് വായിക്കാത്ത മെയിലുകള് കൂട്ടിയോജിപ്പിക്കാനുള്ള മാര്ഗ്ഗം.
∙ ആര്ക്കൈവ്: വായിക്കാത്ത മെസേജുകള് ഒന്നായി തെരഞ്ഞെടുക്കാനുള്ള എളുപ്പമാര്ഗ്ഗം കണ്ടല്ലോ. ഇനി അങ്ങനെ തെരഞ്ഞെടുത്ത മെയിലുകള് ആര്ക്കൈവ് ചെയ്യണമെങ്കില് അതിനുമുണ്ട് ഷോട്ട് കട്ട്. ആവശ്യമുള്ള മെസേജുകള് സെലക്ട് ചെയ്ത ശേഷം 'e' കീ ഞെക്കിയാല് അവയെല്ലാം ആര്ക്കൈവിലേക്ക് മാറും.
∙ പ്രധാനം : മെയിലില് വരുന്ന മെസേജുകളെല്ലാം തുല്യപ്രാധാന്യമുള്ളതാവില്ല. എന്നാല് മറുപടി നല്കിയില്ലെങ്കില് ഗുരുതരപ്രത്യാഘാതങ്ങളുണ്ടാകുന്നവയും കൂട്ടത്തിലുണ്ടാകും. ഇത്തരത്തില് പ്രധാനപ്പെട്ട മെയിലുകള് രേഖപ്പെടുത്താനും ജിമെയിലില് എളുപ്പവഴിയുണ്ട്. '=' ചിഹ്നമാണ് ജിമെയിലില് നിങ്ങള്ക്ക് പ്രധാനപ്പെട്ട മെയിലുകളെ രേഖപ്പെടുത്താന് സഹായിക്കുന്നത്.
∙ മറുപടി : ഇനി ഏതെങ്കിലും മെയിലിന് റിപ്ലേ അയക്കണമെങ്കില് അതിന് 'r' എന്ന കീ ഒന്നു ഞെക്കിയാല് മതി. ഇതോടെ റിപ്ലേ വിന്ഡോ തെളിഞ്ഞുവരും.
∙ എല്ലാവര്ക്കുമുള്ള മറുപടി : റിപ്ലേക്ക് r ആണെങ്കില് എല്ലാവര്ക്കുമുള്ള മറുപടിക്ക് 'a' യാണ് ഉപയോഗിക്കേണ്ടത്. ഈ അക്ഷരങ്ങളെല്ലാം ഇംഗ്ലീഷ് അക്ഷരമാലയിലെ ചെറിയ അക്ഷരങ്ങളാണെന്നത് മാത്രമാണ് ശ്രദ്ധിക്കേണ്ടത്. വന്ന മെയിലില് ഉള്ള എല്ലാ ഫ്രം അഡ്രസുകള്ക്കും a ക്ലിക്ക് വഴി ഒറ്റയടിക്ക് മറുപടിയയക്കാം.
∙ മുന്നോട്ടയക്കൽ : ലഭിച്ച ഒരു മെയില് മറ്റാര്ക്കെങ്കിലും അയച്ചുകൊടക്കണമെങ്കില് ഫോര്വേഡ് ബട്ടണിലേക്ക് പോകേണ്ട ആവശ്യമില്ല. മെയില് എടുത്ത ശേഷം 'f' എന്ന ബട്ടണില് ഒന്നു ഞെക്കിയാല് മതി. മെസേജ് ഫോര്വേഡ് വിന്ഡോയിലേക്ക് മാറിയിരിക്കും.
∙ നിശ്ബ്ദമാക്കല് : താത്പര്യമില്ലാത്ത, നിരന്തരം വന്നുകൊണ്ടിരിക്കുന്ന മെയിലുകളെ നിശബ്ദമാക്കാനും എളുപ്പവഴിയുണ്ട്. ആ ത്രഡില് കയറി 'm' എന്ന് ഞെക്കിയാല് മതി. ആ മെയിലില് നിന്നുള്ള കൂടുതല് സന്ദേശങ്ങള് വരുമ്പോള് നോട്ടിഫിക്കേഷന് വരില്ല. അത് മാത്രമല്ല ഈ ത്രഡില് ഭാവിയില് വരുന്ന മെസേജുകള് ഇന്ബോക്സിലേക്ക് വരാതെ ആര്ക്കൈവിലായിരിക്കും സൂക്ഷിക്കപ്പെടുക.
∙ മെസേജ് അയക്കാൻ : സന്ദേശം തയ്യാറാക്കി കഴിഞ്ഞ് അയക്കണമെങ്കില് അതിനുമുണ്ട് ജിമെയില് വക എളുപ്പവഴി. 'Command' +'Enter' കീകളാണ് സന്ദേശം അയക്കാനായി ഉപയോഗിക്കേണ്ടത്. ഈ രണ്ട് കീകളും ഞെക്കിയാല് സന്ദേശം നിങ്ങളുദ്ദേശിക്കുന്ന വിലാസത്തിലേക്ക് പോയിരിക്കും.
http://www.manoramaonline.com