പള്ളിആക്രമണത്തില് പ്രതിഷേധം
ബാംഗളൂരിലെ ഹെബഗുഡി സെന്റ് ഫ്രാന്സീസ് ദേവാലയത്തിലെ തിരുസ്വരൂപങ്ങള് നശിപ്പിക്കുകയും പള്ളിസാമഗ്രികള് തല്ലിത്തകര്ക്കുകയും ചെയ്ത സംഭവത്തില് കേന്ദ്രസര്ക്കാര് തുടര്നടപടി സ്വീകരിക്കണമെന്ന് കേരള ന്യൂനപക്ഷഫ്രണ്ട് സംസ്ഥാനകമ്മിറ്റി അടിയന്തിരയോഗം ആവശ്യപ്പെട്ടു. സംഭവത്തില് കേന്ദ്ര ആഭ്യന്തരവകുപ്പ് ഇടപെടണമെന്നും ആവശ്യപ്പെട്ടിട്ടുണ്ട്. യോഗത്തില് ചെയര്മാന് സൈബാസ്റ്റ്യന് ചൂണ്ടല് അധ്യക്ഷത വഹിച്ചു. അഡ്വ. സി.എ. ജോണി, പി.ടി കൊച്ചപ്പന് പല്ലന്, വി.ടി ജോസ്, വര്ഗീസ് നായങ്കര എന്നിവര് പ്രസംഗിച്ചു.