Total Pageviews

കുറഞ്ഞ ഫീസിൽ പാരാമെഡിക്കൽ കോഴ്സുകൾ പഠിക്കാം റായ്പൂർ എയിംസിൽ

    

ഛത്തിസ്ഗർ റായ്പൂറിലെ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ്   (എയിംസ്), പാരാമെഡിക്കൽ ഡിഗ്രി, അഡ്വാൻസ്ഡ് ഡിപ്ലോമ പ്രോഗ്രാമുകളിലെ പ്രവേശനത്തിന് അപേക്ഷ ക്ഷണിച്ചു.


ബിരുദ പ്രോഗ്രാമുകൾക്ക്, പ്ലസ് ടു ആണ് യോഗ്യത.

  • ഓപ്പറേഷൻ തിയറ്റർ ടെക്നോളജി
  • മെഡിക്കൽ ടെക്നോളജി ഇൻ റേഡിയോഗ്രഫി
  • മെഡിക്കൽ ലബോറട്ടറി ടെക്നോളജി
  • എന്നീ ബി.എസ്.സി.പ്രോഗ്രാമുകൾക്ക്,

കോഴ്സിനനുസരിച്ച് ഇംഗ്ലീഷ്, ഫിസിക്സ്, കെമിസ്ട്രി, ബയോളജി, മാത്തമാറ്റിക്സ്  എന്നിവയിലെ നിശ്ചിത വിഷയങ്ങൾ പ്ലസ് ടു തലത്തിൽ പഠിച്ചിരിക്കണം.

ബാച്ചലർ ഓഫ് ഓഡിയോളജി & സ്പീച്ച് ലാംഗ്വേജ് പതോളജി പ്രോഗ്രാo പ്രവേശനത്തിന് ഫിസിക്സ്, കെമിസ്ട്രി എന്നിവയും ബയോളജി, മാത്തമാറ്റിക്സ്, കംപ്യൂട്ടർ സയൻസ്, സ്റ്റാറ്റിസ്റ്റിക്സ്, ഇലക്ട്രോണിക്സ്, സൈക്കോളജി എന്നിവയിലൊന്നും പഠിച്ചിരിക്കണം. 

31.8.2020 ന് യോഗ്യതാ പരീക്ഷ പൂർത്തിയാക്കിയവർക്കും അപേക്ഷിക്കാം. ഈ തിയ്യതിയിൽ 17 വയസ്സുണ്ടായിരിക്കണം.

റേഡിയോതെറാപ്പി ടെക്നോളജി അഡ്വാൻസ്ഡ് ഡിപ്ലോമ പ്രോഗ്രാമിലേക്ക്

ഫിസിക്സ്, കെമിസ്ട്രി, ബയോളജി/മാത്തമാറ്റിക്സ് പഠിച്ച്, ബി.എസ്.സി ബിരുദമെടുത്തവർക്ക് അപേക്ഷിക്കാം. 30.9.2020 നകം യോഗ്യതാ പരീക്ഷ പൂർത്തിയാക്കുന്നവർക്കും അപേക്ഷിക്കാം. ഈ തിയ്യതിയിൽ പ്രായം 20 നും 25 നും ഇടയ്ക്കായിരിക്കണം. സംവരണ വിഭാഗക്കാർക്ക് ഇളവുണ്ട്.

എല്ലാ പ്രോഗ്രാമുകൾക്കും യോഗ്യതാ പരീക്ഷയിലെ മാർക്ക് സംബന്ധിച്ച വ്യവസ്ഥയുണ്ട്.

 ബിരുദ, ഡിപ്ലോമ പ്രവേശനത്തിന്  ഒക്ടോബർ 4 ന് റായ്പൂറിൽ വച്ച് പ്രവേശന പരീക്ഷയുണ്ടാകും. ഡിപ്ലോമ പ്രോഗ്രാമിന് ഒക്ടോബർ 5 ന് ഇൻ്റർവ്യൂവും ഉണ്ടാകും.

അപേക്ഷ സെപ്തംബർ 21 വരെ
 www.aiimsraipur.edu.in വഴി നൽകാം.


കോഴ്സ് ഫീസ് ബാച്ചലർ പ്രോഗ്രാമിന് 3165 രൂപയും, അഡ്വാൻസ്ഡ് ഡിപ്ലോമയ്ക്ക്, 5856 രൂപയുമാണ്.

Share it:

Course Next

Post A Comment:

*Please Don't Spam Here. All the Comments are Reviewed by Admin.

0 comments: