ശമ്പളക്കമ്മീഷന്‍ അധ്യാപകരെ തരംതാഴ്ത്തി -എ.കെ.എസ്.ടി.യു.

Unknown
സമാന ശമ്പളനിരക്കില്‍ ജോലി ചെയ്തിരുന്ന ഇതരവിഭാഗം ജീവനക്കാര്‍ക്ക് മെച്ചപ്പെട്ട ശമ്പളസ്‌കെയില്‍ അനുവദിച്ചപ്പോള്‍ അധ്യാപകര്‍ക്ക് അത് നിഷേധിക്കുകയും തരംതാഴ്ത്തുകയും ചെയ്ത നടപടി പുനപ്പരിശോധിക്കണമെന്ന് എ.കെ.എസ്.ടി.യു. സംസ്ഥാന കമ്മിറ്റി ആവശ്യപ്പെട്ടു.

പ്രൈമറി അധ്യാപകരുടെ ശമ്പളസ്‌കെയിലായിരുന്ന 6680-10690ന് പകരം 11620-18540 ആണ് കമ്മീഷന്‍ ശുപാര്‍ശ ചെയ്തിരിക്കുന്നത്. എന്നാല്‍. 6680 രൂപ അടിസ്ഥാനശമ്പളമുണ്ടായിരുന്ന യു.ഡി.ക്ലാര്‍ക്ക് തസ്തികയുള്‍പ്പടെയുള്ളവരുടെ സ്‌കെയില്‍ 13210-20740 ആയി വര്‍ധിപ്പിച്ചു. അടിസ്ഥാനശമ്പളത്തില്‍ തന്നെ 1590 രൂപയുടെ വ്യത്യാസമാണുള്ളത്.

ഹയര്‍സെക്കന്‍ഡറി മേഖലയിലെ അധ്യാപകര്‍ക്കാകട്ടെ നിലവിലുള്ള 11070-18450 എന്ന സ്‌കെയിലിനു പകരം 19240-32110 സ്‌കെയിലാണ് കമ്മീഷന്‍ ശുപാര്‍ശ ചെയ്തിരിക്കുന്നത്. എന്നാല്‍ ഇതേനിരക്കില്‍ ശമ്പളം പറ്റിയിരുന്ന മറ്റ് ജീവനക്കാര്‍ക്ക് 20740-33650 സ്‌കെയിലാണ് അനുവദിച്ചിട്ടുള്ളത്. 1500 രൂപയുടെ വ്യത്യാസമുണ്ട്. വൊക്കേഷണല്‍ ഹയര്‍സെക്കന്‍ഡറി, ഡയറ്റ് അധ്യാപകര്‍ക്കും ഇതിന് സമാനമായ തരംതാഴ്ത്തല്‍ ശമ്പളസ്‌കെയിലില്‍ ഉണ്ടായിട്ടുണ്ട്. ഇത് പരിഹൃതമായില്ലെങ്കില്‍ പ്രക്ഷോഭങ്ങള്‍ക്ക് തുടക്കം കുറിക്കാനും എ.കെ.എസ്.ടി.യു. തീരുമാനിച്ചു.

PDF ൽ ആവശ്യമില്ലാത്ത ചിത്രങ്ങളോ (Picture ), തലക്കെട്ടുകളോ (heading), സ്ഥലങ്ങളോ (Area), പാഠഭാഗങ്ങളോ (Paragraphs ) ഉണ്ടെങ്കിൽ അവിടെ ക്ലിക്ക് ചെയ്താൽ അതൊക്കെ മാഞ്ഞു പോകും. (undo ഉണ്ട്). Font Size, Picture Size എന്നിവ ക്രമീകരിക്കാം. അതിനു ശേഷം PDF ബട്ടൺ ക്ലിക്ക് ചെയ്താൽ നിങ്ങൾ ആഗ്രഹിച്ച PDF ലഭിക്കും

To avoid SPAM, all comments will be moderated before being displayed.
Don't share any personal or sensitive information.

Post a Comment