We are making major changes to this site. Reach us if you are facing any issue by clicking on Report

Table of Content

സംസ്ഥാനതലത്തില്‍ ഒന്നാമതെത്തി അമല നാടിന് അഭിമാനമായി


വൊക്കേഷണല്‍ ഹയര്‍ സെക്കന്‍ഡറിയില്‍ ഉന്നതതല വിജയം നേടി അമല മേരി ഷൈജു നാടിനഭിമാനമായി. അടിമാലി എസ്എന്‍ഡിപി വിഎച്ച്എസ്എസ് സ്കൂളിലെ വിദ്യാര്‍ഥിനിയാണ് അമല.

ഇരുന്നൂറേക്കര്‍ കൊടിമറ്റത്തില്‍ വര്‍ഗീസ് -ഷേര്‍ളി ദന്പതികളുടെ മകളാണ്. പിതാവ് ചെറുകിട വ്യാപാരിയും മാതാവ് അടിമാലി ആശുപത്രിയില്‍ നഴ്സിംഗ് അസിസ്റ്റന്‍റുമാണ്. ഈ സ്കൂളില്‍നിന്നു 103 വിദ്യാര്‍ഥികള്‍ പരീക്ഷയെഴുതിയിരുന്നു. ഇതില്‍ സംസ്ഥാന തലത്തില്‍ അമല മേരി എല്ലാ വിഷയങ്ങള്‍ക്കും എ പ്ലസ് കരസ്ഥമാക്കി.

സാധാരണ കുടുംബത്തില്‍പ്പെട്ട ഈ വിദ്യാര്‍ഥിനി ചിട്ടയായ പഠനത്തോടെ ആദ്യംമുതല്‍ സ്കൂള്‍ തലത്തില്‍ എല്ലാ വിഷയങ്ങള്‍ക്കും ഒന്നാമതെത്തിയിരുന്നു. ഫലം പ്രഖ്യാപിച്ചതോടെ അമലയെ തേടി രക്ഷാകര്‍ത്താക്കളുടെയും അധ്യാപകരുടേയും വിദ്യാര്‍ഥികളുടേയും അഭിനന്ദന പ്രവാഹമെത്തി.

92ല്‍ ആരംഭിച്ച ഈ സ്കൂളില്‍ എല്ലാ വര്‍ഷവും റാങ്കുകള്‍ ലഭിച്ചിരുന്നു. മുഖ്യമന്ത്രി ഉമ്മന്‍ചാണ്ടി, എംപി പി.ടി.തോമസ് എന്നിവര്‍ അമലയെ ഫോണില്‍ വിളിച്ച് അഭിനന്ദനമറിയിച്ചു.
To avoid SPAM comments, all comments will be moderated before being displayed.

Post a Comment