മധ്യ റെയില്‍വേ, പ്രയാഗ് രാജ്, ഉത്തര്‍പ്രദേശ് ഡിവിഷന്‍ തൊഴില്‍ പരിശീലനത്തിന് അപേക്ഷകള്‍ ക്ഷണിച്ചു.
1664 അപ്രന്റീസുകള്‍ക്കുള്ള ഒഴിവുകളിലേക്കാണ് അപേക്ഷ ക്ഷണിച്ചത് . പത്താംക്ലാസ്സിൽ 50 ശതമാനത്തില്‍ കുറയാത്ത മാര്‍ക്ക് നേടിയിരിക്കണം . ഓഗസ്റ്റ് 2-നും സെപ്റ്റംബര്‍ 1-നും ഇടയില്‍ അപേക്ഷിക്കാം . തിരഞ്ഞെടുക്കപ്പെടുന്നവർക്ക് ഉത്തര മധ്യ റെയില്‍വേയുടെ പരിധിയിലെ വര്‍ക്ഷോപ്പുകളില്‍ (പ്രയാഗ് രാജ്, ആഗ്ര, ഝാന്‍സി, ഝാന്‍സി വര്‍ക്ഷോപ്പ്) 1961-ലെ അപ്രന്റീസ് ആക്റ്റിന് കീഴിലുള്ള നിയുക്ത ട്രെയ്ഡുകളില്‍ 2020-21 വര്‍ഷത്തേക്ക് പരിശീലനത്തിനായി അവസരം ലഭിക്കും
ഒഴിവുകളുടെ വിശദാംശങ്ങൾ
- Prayagraj – Mech. Dept 364
- Prayagraj – Elect Dept 339
- Jhansi Division 480
- Work Shop Jhansi 185
- Agra Division 296
വിദ്യാഭ്യാസ യോഗ്യത:
പത്താം ക്ലാസോ തത്തുല്യമായ പരീക്ഷയോ 50 ശതമാനത്തില്‍ കുറയാത്ത മാര്‍ക്ക് നേടി പാസായിരിക്കണം. വെല്‍ഡര്‍ (ഗ്യാസ്, ഇലക്ട്രിക്), വയര്‍മാന്‍, കാര്‍പ്പെന്റര്‍ തസ്തികകളിലേക്ക് അപേക്ഷിക്കുന്ന ഉദ്യോഗാര്‍ത്ഥികള്‍ കുറഞ്ഞത് എട്ടാം തരം പാസായിരിക്കണം.
സാങ്കേതിക യോഗ്യത:
ഐടിഐ സർട്ടിഫിക്കറ്റ്/ നാഷണൽ ട്രേഡ് സർട്ടിഫിക്കറ്റ്.
പ്രായപരിധി: (01-09-2021 പ്രകാരം)
കുറഞ്ഞ പ്രായം: 15 വയസ്സ്, പരമാവധി പ്രായം: 24 വയസ്സ്. നിയമങ്ങൾ അനുസരിച്ച് പ്രായ ഇളവ് ബാധകമാണ്.
അപേക്ഷാ ഫീസ്
100 രൂപ, സ്ത്രീകളും എസ് സി, എസ് ടി, അംഗവൈകല്യമുള്ളവര്‍ എന്നീ വിഭാഗങ്ങളില്‍ ഉള്‍പെടുന്നവര്‍ അപേക്ഷാ ഫീസ് അടയ്ക്കേണ്ടതില്ല. ഓൺലൈൻ വഴി ഫീസ് അടയ്ക്കുക
എങ്ങനെ അപേക്ഷിക്കാം
അപേക്ഷ ആരംഭിക്കുന്ന തീയതി: 02-08-2021 00:00 , അപേക്ഷിക്കേണ്ട അവസാന തീയതി: 01-09-2021 23:59 മണിക്ക്.
- ഉത്തര മധ്യ റെയില്‍വേയുടെ ഔദ്യോഗിക പോര്‍ട്ടല്‍ സന്ദര്‍ശിക്കുക.
- ഹോം പേജിലെ 2021-ലെ അപ്രന്റീസ് റിക്രൂട്ട്‌മെന്റ് സംബന്ധിച്ച ലിങ്കില്‍ ക്ലിക്ക് ചെയ്യുക.
- സാധുവായ മൊബൈല്‍ നമ്പറും ഈ-മെയില്‍ ഐ ഡിയും ഉപയോഗിച്ച് പേര് രജിസ്റ്റര്‍ ചെയ്യുക.
- ഇനി യൂസര്‍നെയിം, പാസ്വേര്‍ഡ് എന്നിവ സേവ് ചെയ്യുക. തുടര്‍ന്ന് തൊഴില്‍ പരിശീലനത്തിനുള്ള അപേക്ഷാ ഫോറം പൂരിപ്പിക്കുക.
- ആവശ്യമായ വിവരങ്ങളെല്ലാം നല്‍കുക. വിലാസവും വിദ്യാഭ്യാസ യോഗ്യത സംബന്ധിച്ച വിവരങ്ങളും ശ്രദ്ധയോടെ തെറ്റുകളൊന്നും കൂടാതെ നല്‍കുക. ആവശ്യപ്പെടുന്ന രേഖകള്‍ ഓണ്‍ലൈന്‍ അപേക്ഷാ ഫോറത്തിനൊപ്പം അപ്ലോഡ് ചെയ്ത് സമര്‍പ്പിക്കുക.
- പൂരിപ്പിച്ച വിവരങ്ങള്‍ ഒന്നുകൂടി വിശദമായി പരിശോധിച്ച് തെറ്റുകള്‍ ഒന്നുമില്ലെന്ന് ഉറപ്പു വരുത്തുക. തുടര്‍ന്ന് അപേക്ഷാ ഫീസായി 100 രൂപ അടയ്ക്കുക. അതിനു ശേഷം അപേക്ഷ സ്ഥിരീകരിക്കുന്ന പേജ് ഡൗണ്‍ലോഡ് ചെയ്ത് സൂക്ഷിക്കുക.
യോഗ്യതാ പരീക്ഷയിലും ഐ ടി ഐയിലും നേടിയ മാര്‍ക്കിന്റെയും അതിനുശേഷം നടക്കുന്ന മെഡിക്കല്‍ ഫിറ്റ്‌നസ് പരിശോധനയുടെ ഫലത്തിന്റെയും അടിസ്ഥാനത്തിലായിരിക്കും യോഗ്യരായ ഉദ്യോഗാര്‍ത്ഥികളെ തിരഞ്ഞെടുക്കുക
