പിടികൂടിയ മത്സ്യത്തിന്റെ വയറിനുള്ളിൽ നിറയെ പ്ലാസ്റ്റിക്; ദൃശ്യങ്ങൾ

https://twitter.com/i/status/1219872013046517761


ലോകത്ത് പ്ലാസ്റ്റിക് മലിനീകരണം കാരണം ഓരോ വർഷവും ഒരു കോടിയിലധികം സമുദ്രജീവികൾ ഇല്ലാതാകുന്നുവെന്നാണു കണക്ക്. അവയിൽ പലതും ലോകം അറിയുന്നതു പോലുമില്ല. അറിയുന്ന ചില വാർത്തകളാകട്ടെ ഏറെ വേദനിപ്പിക്കുന്നതുമാണ്. അത്തരമൊരു വാർത്തയാണ് സ്പെയ്നിൽ നിന്നും പുറത്തുവരുന്നത്.
പ്ലാസ്റ്റിക് മാലിന്യം ഭൂമിയിലാകെ വ്യാപിച്ചു കഴിഞ്ഞു. അടുത്ത തലമുറയുടെ അതിജീവനം തന്നെ ഒട്ടും ആരോഗ്യകരമായിരിക്കില്ല എന്ന ആശങ്കാജനകമായ സ്ഥിതിയിലേക്കാണ് കാര്യങ്ങൾ നീങ്ങുന്നത്. അതിനുദാഹരണമാണ് ഇപ്പോൾ പുറത്തുവരുന്ന ദൃശ്യങ്ങൾ.സ്പെയ്നിലെ കാനറി ദ്വീപിൽ നിന്ന് പകർത്തിയതാണ് ഒരു മിനിട്ട് 40 സെക്കൻഡ് ദൈർഘ്യമുള്ള ഈ ദൃശ്യങ്ങൾ. യാസ്മിൻ സ്കോട്ട് എന്നയാളാണ്  ട്വിറ്ററിലൂടെ ഈ ദൃശ്യങ്ങൾ പങ്കുവച്ചത്.

മത്സ്യബന്ധനത്തിനു പോയ 35 കാരനാണ് രണ്ട് നീരാളികളേയും ഒരു മത്സ്യത്തെയും ലഭിച്ചത്. മത്സ്യത്തെ കൈയിലെടുത്തപ്പോൾ തന്നെ അതിന്റെ വയറിനുള്ളിൽ അസ്വാഭാവികമായി എന്തോ ഉണ്ടെന്നു തോന്നി. അതിനാലാണ് മീനിന്റെ വയറുകീറി പരിശോധിച്ചത്. മീനിന്റെ വയറിനുള്ളിൽ കണ്ടെത്തിയ വസ്തുക്കൾ മത്സ്യത്തൊഴിലാളിയേയും ചുറ്റും കൂടി നിന്നവരേയും ഒരുപോലെ ഞെട്ടിച്ചു. മീനിന്റെ വയറിനുള്ളിൽ നിറയെ പ്ലാസ്റ്റിക് കഷണങ്ങളായിരുന്നു. ജീവനോടെ പിടിച്ച മത്സ്യത്തിന്റെ വയറിനുള്ളിലായിരുന്നു ഇത്രയധികം പ്ലാസ്റ്റിക് എന്നതാണ് അദ്ഭുതപ്പെടുത്തുന്ന കാര്യം. ഒരു ചെറിയ മത്സ്യത്തിന്റെ വയറിനുള്ളിൽ ഇത്രയധികം പ്ലാസ്റ്റിക് ഉണ്ടെങ്കിൽ തിമിംഗലം പോലുള്ള വലിയ മത്സ്യങ്ങളുടെ വയറ്റിൽ എന്തുമാത്രം പ്ലാസ്റ്റിക് കാണുമെന്നതാണ് ആശങ്കാജനകമായ കാര്യം.



English Summary: man finding plastic in fish's stomach in Spain goes viral

https://www.manoramaonline.com/environment/environment-news/2020/01/25/man-finding-plastic-in-fish-s-stomach-in-spain.html

PDF ൽ ആവശ്യമില്ലാത്ത ചിത്രങ്ങളോ (Picture ), തലക്കെട്ടുകളോ (heading), സ്ഥലങ്ങളോ (Area), പാഠഭാഗങ്ങളോ (Paragraphs ) ഉണ്ടെങ്കിൽ അവിടെ ക്ലിക്ക് ചെയ്താൽ അതൊക്കെ മാഞ്ഞു പോകും. (undo ഉണ്ട്). Font Size, Picture Size എന്നിവ ക്രമീകരിക്കാം. അതിനു ശേഷം PDF ബട്ടൺ ക്ലിക്ക് ചെയ്താൽ നിങ്ങൾ ആഗ്രഹിച്ച PDF ലഭിക്കും

To avoid SPAM, all comments will be moderated before being displayed.
Don't share any personal or sensitive information.

Post a Comment