SimonMash.com | Kerala Plus One & Plus Two Study Notes, Question Papers, Answer Keys, Resources

ജൂൺ 2 ന് ആരംഭിക്കുന്ന പുതിയ അധ്യയനവർഷത്തോടൊപ്പം ഹയർ സെക്കൻഡറി വിഭാഗത്തിലെ വിദ്യാർത്ഥികൾക്ക് അഞ്ചു മണിക്കൂർ ദൈർഘ്യമുള്ള പ്രത്യേക പരിശീലന പരിപാടിയുമായി പൊതുവിദ്യാഭ്യാസ വകുപ്പ് മുന്നോട്ടുവരുന്നു. കൗമാരപ്രായത്തിൽ ഉണ്ടാകുന്ന വിവിധ അനുഭവങ്ങൾ കുട്ടികളുടെ മാനസികാരോഗ്യത്തിൽ വലിയ സ്വാധീനം ചെലുത്തുന്നതിനാൽ, ഈ പ്രായത്തിലുള്ള കുട്ടികൾക്ക് പ്രത്യേക പരിഗണന നിർബന്ധമാണ്. വിദ്യാർത്ഥികളുടെ ശാരീരിക, മാനസിക, സാമൂഹികാരോഗ്യ വികസനത്തിനായി സ്കൂൾ തലത്തിൽ വിവിധ വകുപ്പുകളും ഏജൻസികളും ചേർന്ന് പ്രവർത്തിക്കേണ്ടത് അനിവാര്യമാണ്. ഇന്നത്തെ കാലഘട്ടത്തിൽ യുവജനങ്ങളിൽ വർദ്ധിച്ചു വരുന്ന അക്രമപ്രവണത, ലഹരിസാധനങ്ങളുടെ ഉപയോഗം, മാനസിക സമ്മർദ്ദം, അപകടകരമായ വാഹന ഉപയോഗം, ഡിജിറ്റൽ ആസക്തി, റാഗിംഗ് തുടങ്ങിയ പ്രശ്നങ്ങൾ ശാസ്ത്രീയമായി നേരിടേണ്ടത് അനിവാര്യമായിട്ടുണ്ട്. ഇതിന്റെ ഭാഗമായി, വിദ്യാർത്ഥികളെ പോസിറ്റീവ് മനോഭാവങ്ങളിലേക്കും ആരോഗ്യകരമായ നിലപാടുകളിലേക്കും വഴി നയിക്കാൻ വിവിധ മേഖലകളിലെ വിദഗ്ധരുടെ സഹകരണത്തോടെ പരിശീലന മോഡ്യൂളുകൾ വികസിപ്പിച്ചു. ഈ മോഡ്യൂളുകൾ മേയ് 22, 23, 24 തീയതികളിൽ വീണ്ടും പരിശോധിച്ച് ആവശ്യമായ തിരുത്തലുകൾ നടത്തി. തുടർന്ന്,...

സംസ്ഥാനത്തെ വിദ്യാലയങ്ങളില്‍ ഈ അധ്യയനവര്‍ഷാരംഭത്തില്‍ ജൂണ്‍ 3 മുതല്‍ 13 വരെ തീയതികളില്‍ കുട്ടികളില്‍ വികസിക്കേണ്ട പൊതുധാരണകള്‍ ആയി ബന്ധപ്പെട്ട് വിവിധ വിഷയങ്ങളില്‍ ബോധവല്‍ക്കരണം ലക്ഷ്യമാക്കിയുള്ള പ്രവര്‍ത്തനങ്ങള്‍ക്ക് വിദ്യാഭ്യാസ വകുപ്പ് നിര്‍ദ്ദേശം നല്‍കിയിട്ടുണ്ട്. ഇതിനായി സ്കൂള്‍ റിസോഴ്‍സ് ഗ്രൂപ്പുകള്‍ ചേര്‍ന്ന് ഓരോ പ്രവര്‍ത്തനവുമായി ബന്ധപ്പെട്ട് മൊഡ്യൂളുകള്‍ തയ്യാറാക്കി അവയുടെ അടിസ്ഥാനത്തില്‍ ബോധവല്‍ക്കരണക്ലാസുകള്‍ നടത്തുന്നതിനുള്ള മാര്‍ഗരേഖ പുറത്തിരക്കിയിട്ടുണ്ട് . എല്‍ പി. യു പി , ഹൈസ്‍കൂള്‍ തലങ്ങളില്‍ മൊഡ്യൂളുകള്‍ തയ്യാറാക്കുന്നതിന് സഹായകരമായ ഉപാധികളുടെ സോഫ്‍റ്റ് കോപ്പികള്‍ ചുവടെ ലിങ്കുകളില്‍ നിന്നും ഡൗണ്‍ലോഡ് ചെയ്യാവുന്നതാണ്.  സ്കൂള്‍ റിസോഴ്‍സ് ഗ്രൂപ്പ് മൊഡ്യൂള്‍  വികസിപ്പിക്കല്‍ മാര്‍ഗരേഖ ഇവിടെ വിവിധ വിഷയങ്ങളുടെ മൊഡ്യൂള്‍ രീപീകരണത്തിന് സഹയാകരമായ ഉപാധികളുടെ സോഫ്‍റ്റ്‍കോപ്പികള്‍ വളരുന്ന കുട്ടികള്‍ക്കൊപ്പം - രക്ഷിതാവറിയാന്‍ കൈപ്പുസ്‍തകം ജീവിതപാഠം കൈപ്പുസ്‍തകം തെളിവാനം വരക്കുന്നവര്‍...

ഈ വർഷത്തെ പ്ലസ് വൺ പ്രവേശനത്തിനുള്ള ആദ്യ അലോട്മെന്റ് ജൂൺ 2ന്. ജൂൺ 2 തിങ്കളാഴ്ച പ്രസിദ്ധീകരിക്കുന്ന ആദ്യ അലോട്ട്മെന്റ് ലിസ്റ്റിന്റെ അടിസ്ഥാനത്തിൽ ജൂൺ 3 രാവിലെ 10 മണി മുതൽ പ്രവേശനം നടക്കും. ആദ്യ അലോട്മെന്റ് പ്രകാരമുള്ള പ്രവേശനം ജൂൺ 5ന് വൈകിട്ട് 5 മണി വരെ നടക്കും. അപേക്ഷയിൽ ചേർത്തിട്ടുള്ള എല്ലാ സർട്ടിഫിക്കറ്റുകളുടെയും അസ്സൽ സഹിതം പ്രവേശനം ലഭിച്ച സ്‌കൂളിൽ നേരിട്ട് ഹാജരാകണം ഫൈനൽ കൺഫർമേഷൻ ഇല്ലെങ്കിലും പരിഗണിക്കും പ്രതികൂല കാലാവസ്‌ഥ കാരണം ഹയർസെക്കണ്ടറി/വൊക്കേഷണൽ ഹയർസെക്കണ്ടറി പ്ലസ് ‌വൺ ട്രയൽ അലോട്ട്മെൻറിൽ അപേക്ഷകൾ തിരുത്തൽ വരുത്തി ഫൈനൽ കൺഫർമേഷൻ നൽകാൻ കഴിയാത്ത അപേക്ഷകളും പ്രത്യേക സാഹചര്യം കണക്കിലെടുത്ത് അലോട്ട്മെന്റിനായി പരിഗണിക്കും

സംസ്ഥാനത്തെ പൊതുവിദ്യാഭ്യാസ മേഖലയിൽ ഈ വർഷം മുതൽ പരിഷ്കരിച്ച പാഠ്യപദ്ധതി പ്രകാരം തയ്യാറാക്കിയ പാഠപുസ്തകങ്ങളിൽ സാമ്പത്തിക സാക്ഷരത സംബന്ധിച്ച് പ്രത്യേക പുസ്തകവും. ധനകാര്യം സാമ്പത്തിക സാക്ഷരത എന്നാണ് പുസ്തകത്തിന്റെ പേര്. അഞ്ചാം ക്ലാസ് മുതൽ സാമ്പത്തിക സാക്ഷരത സംബന്ധിച്ച് പാഠഭാഗങ്ങൾ വ്യത്യസ്ത പാഠപുസ്തകങ്ങളിൽ ഉൾക്കൊള്ളിച്ചിട്ടുണ്ട്. 9,10 ക്ലാസുകൾക്ക് പ്രത്യേക പുസ്തകവും തയ്യാറാക്കി നൽകി. 8 യൂണിറ്റുകളിലായി സമ്പാദ്യവും നിക്ഷേപ സാധ്യതകളും, ആധുനിക ബാങ്കിംഗ് സേവനങ്ങൾ, ബാങ്ക് രേഖകളും ഫോമുകളും, ഇൻഷുറൻസ്:സുരക്ഷയും സമ്പാദ്യവും, പോസ്റ്റൽ വകുപ്പ് ധനകാര്യ സേവനങ്ങൾ, ഓഹരി വിപണിയും മ്യൂച്ചൽ ഫണ്ടുകളും, യുക്തിസഹമായ നിക്ഷേപ തീരുമാനം, ധനകാര്യ രംഗത്ത് ഉന്നത വിദ്യാഭ്യാസ സാധ്യതകളും തൊഴിൽ അവസരങ്ങളും എന്നിങ്ങനെ ആണ് പുസ്തകത്തിൽ പ്രതിപാദിച്ചിട്ടുള്ളത്. കുട്ടികൾ ചെറുപ്പം മുതൽ തന്നെ സാമ്പത്തിക അച്ചടക്കം ശീലിക്കുന്നതിനായാണ് ഈ പുസ്തകങ്ങൾ പാഠ്യപദ്ധതിയുടെ ഭാഗമാക്കിയത്. കുട്ടികളിൽ സമ്പാദ്യ ശീലവും സാമ്പത്തിക അവബോധവും വളർത്തുന്നതിന് സ്കൂളുകളിൽ നടപ്പാക്കിയിരുന്ന സഞ്ചയിക പദ്ധതി കൂടുതൽ ശക്തമായി മുന്നോട്ടു കൊണ്ടുപോകും  

പ്ലസ് ടുവിന് ശേഷം കോഴ്‌സുകളും തൊഴിൽ സാധ്യതകളും പ്ലസ് ടുവിന് ശേഷം ഉന്നത വിദ്യാഭ്യാസത്തിനുള്ള സാധ്യതകൾ പ്ലസ് ടു ഫലങ്ങൾ വന്നതോടെ വിദ്യാർത്ഥികൾ ഉന്നത വിദ്യാഭ്യാസ രംഗം തിരഞ്ഞെടുക്കാൻ തയ്യാറെടുക്കുകയാണ്. സംസ്ഥാനത്ത് ഈ വർഷം പ്ലസ് ടു വിജയിച്ച വിദ്യാർത്ഥികൾക്കും ഉയർന്ന വിദ്യാഭ്യാസത്തിന് അർഹത നേടിയവർക്കും താത്പര്യപ്രകാരം കോഴ്‌സുകൾ തിരഞ്ഞെടുക്കാൻ നിരവധി സാധ്യതകളുണ്ട്. പൊതുവായ പ്രവേശന പരീക്ഷകൾ CUET (സാമൂഹിക സർവകലാശാല UG പ്രവേശനം) സയൻസ്, ഗവേഷണ മേഖല IISER – BS-MS ഇന്റഗ്രേറ്റഡ് പ്രോഗ്രാം NISER – BS-MS വഴി NEST പ്രവേശനം ISI – പാരിവാര്യിക ബിരുദ കോഴ്‌സുകൾ (ഗണിതം, കംപ്യൂട്ടർ സയൻസ്) CMI – Chennai Mathematical Institute നിയമ പഠനം CLAT – നാഷണൽ ലോ യൂണിവേഴ്സിറ്റികളിലേക്കുള്ള പ്രവേശനം ഡിസൈൻ, ഫാഷൻ, ക്രിയേറ്റീവ് മേഖല UCEED – ഐഐടികളിലെ ഡിസൈൻ പ്രവേശനം NID – നാഷണൽ ഇൻസ്റ്റിറ്റ്യൂട്ട് ഓഫ് ഡിസൈൻ NIFT – ഫാഷൻ, ഡിസൈൻ കോഴ്‌സുകൾ FDDI – ഫുട്‌വെയർ, ഫാഷൻ ഡിസൈൻ പോലീസ് / പ്രതിരോധ സേവനങ്ങൾ NDA – ദേശീയ പ്രതിരോധ അക്കാദമി (UPSC മുഖേന) മീഡിയ, സിനിമ, ജേണലിസം FTII – ഫി...

സമഗ്രഗുണമേന്മാ വിദ്യാഭ്യാസം ആസൂത്രിതമായി നടപ്പാക്കാൻ പൊതുവിദ്യാഭ്യാസ വകുപ്പ് തീരുമാനിച്ചിട്ടുണ്ടെന്നും അതനുസരിച്ചുള്ള സർക്കാർ ഉത്തരവ് പുറപ്പെടുവിച്ചിട്ടുണ്ടെന്നും പൊതു വിദ്യാഭ്യാസ വകുപ്പ് മന്ത്രി വി ശിവൻകുട്ടി. ഓരോ ക്ലാസിലും കുട്ടികൾ നേടേണ്ട അറിവും കഴിവും അതത് ക്ലാസിൽ തന്നെ ലഭിച്ചു എന്ന് ഉറപ്പാക്കും. ഓരോ ഘട്ടത്തിലും കുട്ടികളുടെ പഠന നില അറിഞ്ഞ് ആവശ്യമായ പഠന പിന്തുണ ഉറപ്പാക്കി കുട്ടികളെ പഠനത്തിൽ മുന്നേറാൻ പ്രാപ്തരാക്കും. ജനാധിപത്യം, മതനിരപേക്ഷത, തുല്യത തുടങ്ങി ഭരണഘടന വിഭാവനം ചെയ്യുന്ന മൂല്യങ്ങളും സാമൂഹിക മൂല്യങ്ങളും പൗരബോധവും കുട്ടികളിൽ വളർത്തുന്ന തരത്തിൽ പഠന പ്രക്രിയകളെ വികസിപ്പിക്കും  സ്‌കൂൾ തുറക്കുന്ന ആദ്യ രണ്ടാഴ്ച്ച നടപ്പിലാക്കുന്ന ബോധവൽക്കരണ പരിപാടിയിൽ രണ്ടു മുതൽ പത്ത് വരെ ക്ലാസ്സുകളിലെ എല്ലാ വിദ്യാർത്ഥികളുടെയും പങ്കാളിത്തം ഉറപ്പാക്കും. സ്‌കൂൾ റിസോഴ്‌സ് ഗ്രൂപ്പ് നൽകിയ നിർദ്ദേശങ്ങളുടെ അടിസ്ഥാനത്തിൽ മോഡ്യൂളുകൾ തയ്യാറാക്കും. ജൂൺ 3 മുതൽ 13 വരെയുള്ള ദിവസങ്ങളിലാണ് ഈ പ്രവർത്തനങ്ങൾ നടത്തുക. ഒരു ദിവസം ഒരു മണിക്കൂർ ഈ പ്രവർത്തനങ്ങൾക്കായി നീക്കി വയ്ക്കും. നാടകം, സെമിനാർ എന്നിവയ്ക്ക് അതനുസരി...

തിരുവനന്തപുരം: മധ്യവേനൽ അവധിക്ക് ശേഷം സംസ്ഥാനത്തെ സ്കൂളുകൾ ജൂൺ രണ്ടിന് തുറക്കും. രണ്ട് മുതൽ പത്ത് വരെയുള്ള ക്ലാസുകളിൽ ആദ്യ രണ്ടാഴ്ച ലഹരിക്കെതിരായ അവബോധം ഉണ്ടാക്കാനും നിയമബോധം ഉറപ്പാക്കാനും പ്രത്യേക പിരീയഡ് ഉണ്ടായിരിക്കുമെന്ന് വിദ്യാഭ്യാസമന്ത്രി അറിയിച്ചു.  രണ്ടാഴ്ചത്തെ സ്കൂൾ ടൈംടേബിളില്‍ സമഗ്ര ഗുണമേന്മ വിദ്യാഭ്യാസം നടപ്പിലാക്കാനുള്ള മാർഗ്ഗ നിർദ്ദേശങ്ങൾ ഉള്‍പ്പെടുത്താന്‍ തീരുമാനിച്ചിട്ടുണ്ടെന്ന് മന്ത്രി പറഞ്ഞു. രണ്ടാം ക്ലാസ് മുതൽ 12 ക്ലാസ് വരെയുള്ള ക്ലാസുകൾക്കാണ് ഈ മാർഗ്ഗ നിർദ്ദേശങ്ങൾ. നിയമബോധം, വ്യക്തി ശുചീത്വം, പരിസര ശുചിത്വം, പൊതുബോധം, ലഹരിക്കെതിരെയുള്ള അവബോധം, സൈബർ അവബോധം, പൊതുനിരത്തിലെ നിയമങ്ങൾ തുടങ്ങിയവയാണ് ഈ മാർഗ്ഗ നിർദ്ദേശത്തിൽ ഉൾപ്പെടുന്നത്. ജൂൺ 3 മുതൽ 13 വരെ സർക്കുലർ അനുസരിച്ചുള്ള ക്ലാസുകൾ നടത്തണം. ദിവസവും 1 മണിക്കൂർ ഇതിനായി മാറ്റി വയ്ക്കണമെന്നും വിദ്യാഭ്യാസമന്ത്രി കൂട്ടിച്ചേര്‍ത്തു. കുട്ടികള്‍ക്ക് ക്ലാസ്സിലും ക്യാമ്പസ്സിലും സങ്കോചമില്ലാതെ പഠനപ്രവര്‍ത്തനങ്ങളില്‍ ഏര്‍പ്പെടാനുള്ള ആത്മവിശ്വാസമാണ് പ്രാരംഭദിനങ്ങളില്‍ ഉണ്ടാക്കേണ്ടത്. ഏത് ദിവസം ഏത് തീം നടപ്പാക്കണം എന്ന് സര്‍ക്കുല...