EXPO
Posts
പാവറട്ടി തിരുനാളിന് പ്രൗഢസമാപ്തി
തീര്‍ഥാടകര്‍ക്ക് ആത്മീയചൈതന്യം പകര്‍ന്ന പാവറട്ടി സെന്‍റ് ജോസ്ഫസ് തീര്‍ഥകേന്ദ്രത്തിലെ വിശുദ്ധ യൗസേപ്പിതാവിന്‍റെ 133-ാം മാധ്യസ്ഥ തിരുനാളിന് പ്രൗഢഗംഭീരമായ പരിസമാപ്തി. മുത്തുക്കുടകളുടെയും വാദ്യമേളങ്ങളുടെയും അകന്പടിയോടെ വെള്ളിവര്‍ണ തോരണങ്ങള്‍ മേലാപ്പു ചാര്‍ത്തിയ പ്രദക്ഷിണവീഥിയിലൂടെ വിശുദ്ധന്‍റെ തിരുസ്വരൂപം വഹിച്ചുകൊണ്ട് നടത്തിയ തിരുനാള്‍പ്രദക്ഷിണത്തില്‍ പ്രാര്‍ഥനാവിശുദ്ധിയോടെ ആയിരക്കണക്കിനു ഭക്തജനങ്ങള്‍ പങ്കുചേര്‍ന്നു. തിരുനാള്‍ പ്രദക്ഷിണം സമാരംഭിക്കുന്പോള്‍ പാവറട്ടിയിലെ സിമന്‍റ്, പെയിന്‍റ് തൊഴിലാളികളുടെ നേതൃത്വത്തില്‍ ദേവാലയ സന്നിധിയില്‍ വെടിക്കെട്ട് നടന്നു. ഭക്തിസാന്ദ്രവും ആകര്‍ഷകവുമായ തിരുനാള്‍പ്രദക്ഷിണം പള്ളിനടയിലെ വിശുദ്ധ അന്തോണീസിന്‍റെ കപ്പേളയിലെത്തി തിരിച്ച് തീര്‍ഥകേന്ദ്രത്തില്‍ സമാപിച്ചതോടെ തിരുനാളിനു സമാപനമായി.പ്രദക്ഷിണവീഥിക്ക് ഇരുവശവും വിശുദ്ധ യൗസേപ്പിതാവേ ഞങ്ങള്‍ക്കുവേണ്ടി അപേക്ഷിക്കണമേ എന്ന പ്രാര്‍ഥനാമന്ത്രവുമായി ആയിരങ്ങളാണ് ഒത്തുകൂടിയത്. ഇന്നലെ രാവിലെ നടന്ന ആഘോഷമായ തിരുനാള്‍ ഗാനപൂജയ്ക്ക് ഫാ. വില്‍സണ്‍ പിടിയത്ത് മുഖ്യകാര്‍മികത്വം വഹിച്ചു. ഫാ. ജോയി കടന്പാട്ട് തിരുനാള്‍സന്ദേശം നല്...
നടയ്ക്കല്‍ മേളം മേളപ്രേമികളുടെ മനം കവര്‍ന്നു
യൗസേപ്പിതാവിന്‍റെ തിരുനാളിനോടനുബന്ധിച്ച് വടക്കുഭാഗം വെടിക്കെട്ട് കമ്മിറ്റിയുടെ നേതൃത്വത്തില്‍ സംഘടിപ്പിച്ച നടയ്ക്കല്‍ മേളം മേളപ്രേമികളുടെ മനം കവര്‍ന്നു. മേളവിദ്വാന്‍ പദ്മശ്രീ മട്ടന്നൂര്‍ ശങ്കരന്‍കുട്ടി മാരാരുടെ നേതൃത്വത്തിലായിരുന്നു മേളം. തൃശൂര്‍ ഇലഞ്ഞിത്തറ മേളത്തിന്‍റെ തനിപ്പകര്‍പ്പായ നടയ്ക്കല്‍ മേളം പതികാലത്തില്‍ തുടങ്ങി ഏഴക്ഷരത്തില്‍ സമാപിച്ചു. മൂന്നുമണിക്കൂറോളം നീണ്ട മേളം ആസ്വദിക്കാന്‍ ദേവാലയതിരുമുറ്റത്ത് ആയിരങ്ങളാണ് തടിച്ചുകൂടിയത്. നടയ്ക്കല്‍ മേളം തീര്‍ഥകേന്ദ്രം വികാരി ഫാ. ജോസ് പുന്നോലിപ്പറന്പില്‍ ഉദ്ഘാടനം ചെയ്തു.മട്ടന്നൂര്‍ ശങ്കരന്‍കുട്ടി മാരാര്‍ ഇതു രണ്ടാംതവണയാണ് തിരുനാളിന് തീര്‍ഥകേന്ദ്രത്തില്‍ മേളം അവതരിപ്പിക്കുന്നത്
spencerpvt wants you to see something
thirunnal 2009 PHOTO GALLERY About the set 56 items 3 views The Grand Feast of the Shrine falls on the third Sunday after Easter. We commemorate the last day of St.Joseph (Maranathirunal), in the lent, on March 19th. The Feast of St.Sebastian, a general feature of Kerala Church, is observed in the Shrine on the first Sunday of the year. Special Devotion to St. Joseph on Wednesdays began in July 1937. A selection of things from the set
നാളെ ഗതാഗത നിയന്ത്രണം
തിരുനാളിനോടനുബന്ധിച്ച് നാളെ ഉച്ചകഴിഞ്ഞ് മൂന്നു മുതല്‍ വെടിക്കെട്ട് കഴിയുന്നതുവരെ പാവറട്ടിയില്‍ ഭാഗികമായി ഗതാഗതനിയന്ത്രണം ഉണ്ടാകും. പറപ്പൂര്‍, കാഞ്ഞാണി ഭാഗത്തുനിന്ന് വരുന്ന ബസുകള്‍ മനപ്പടി ജംഗ്ഷനിലെത്തി യാത്രക്കാരെ ഇറക്കിതിരിച്ചുപോകണം. മറ്റം, ചിറ്റാട്ടുകര ഭാഗത്തുനിന്നുവരുന്ന ബസുകള്‍ പാവറട്ടി സ്റ്റാന്‍ഡില്‍ യാത്രക്കാരെ ഇറക്കി മാമ ബസാര്‍ വഴി വണ്‍വേയായി തിരിച്ചുപോകണം.
ദീപാലങ്കാര സ്വിച്ച്ഓണ്‍ കര്‍മം ഇന്ന്
വിശുദ്ധ യൗസേപ്പിതാവിന്‍റെ മാധ്യസ്ഥതിരുനാളിനോടനുബന്ധിച്ചുള്ള ദേവാലയ ദീപാലങ്കാരത്തിന്‍റെ സ്വിച്ച്ഓണ്‍കര്‍മം ഇന്ന് രാത്രി എട്ടിന് നടക്കും. സ്വിച്ച്ഓണ്‍കര്‍മം നിര്‍വഹിക്കുന്നതോടെ ദേവാലയത്തിന്‍റെ തിരുനെറ്റിയില്‍ ഒരു ലക്ഷത്തില്‍പരം ബഹുവര്‍ണദീപങ്ങള്‍ പ്രഭചൊരിയും. തുടര്‍ന്ന് പാവറട്ടി ഇടവകയിലെ ഇലക്ട്രിക്കല്‍ തൊഴിലാളികളുടെ നേതൃത്വത്തിലുള്ള വെടിക്കെട്ട് നടക്കും. നാളെ രാവിലെ 10-ന് നടക്കുന്ന നൈവേദ്യപൂജയ്ക്ക് ഫാ. ആന്‍റോ ഒല്ലൂക്കാരന്‍ മുഖ്യകാര്‍മികത്വം വഹിക്കും. തുടര്‍ന്ന് നേര്‍ച്ചഭക്ഷണ ആശീര്‍വാദവും നേര്‍ച്ചയൂട്ടും നടക്കും. ഒന്നരലക്ഷത്തോളം പേര്‍ക്ക് നേര്‍ച്ചഊട്ട് കഴിക്കുന്നതിനുള്ള സൗകര്യങ്ങള്‍ തീര്‍ഥകേന്ദ്രം പാരീഷ് ഹാളില്‍ ഒരുക്കിയിട്ടുണ്ട്. വൈകീട്ട് 5.30-ന് നടക്കുന്ന സമൂഹദിവ്യബലിക്ക് അതിരൂപത ആര്‍ച്ച്ബിഷപ് മാര്‍ ആന്‍ഡ്രൂസ് താഴത്ത് മുഖ്യകാര്‍മികത്വം വഹിക്കും. തുടര്‍ന്ന് ഭക്തിനിര്‍ഭരമായ കൂടുതുറക്കല്‍ ശുശ്രൂഷ. ഇതേ തുടര്‍ന്ന് പള്ളി കമ്മിറ്റിയുടെ നേതൃത്വത്തിലുള്ള കരിമരുന്ന് പ്രയോഗം. രാത്രി 12 മണിയോടെ വിവിധ കുടുംബകൂട്ടായ്മകളില്‍നിന്നുള്ള വള, ലില്ലി എഴുന്നള്ളിപ്പുകള്‍ തീര്‍ഥകേന്ദ്രത്തിലെത്തി സമാപിക്കും. തുട...