Posts
പാവറട്ടി തിരുനാള്‍ അലങ്കാരദീപങ്ങള്‍ ഒരുങ്ങുന്നു
ദക്ഷിണേന്ത്യയിലെ സുപ്രസിദ്ധ തീര്‍ഥകേന്ദ്രമായ പാവറട്ടി സെന്‍റ് ജോസഫ് തീര്‍ഥകേന്ദ്രത്തിലെ വിശുദ്ധ യൗസേപ്പിതാവിന്‍റെ ഊട്ടുതിരുനാളിന് ശോഭയേകാന്‍ അലങ്കാരദീപങ്ങള്‍ ഒരുങ്ങി. പുഴയ്ക്കല്‍ ആല്‍ഫ ഇലക്ട്രിക്കല്‍സിലെ ടി.ഡി.വില്‍സനും സംഘവും ദീപാലങ്കാരത്തിന്‍റെ ഒരുക്കങ്ങളുടെ അന്തിമഘട്ടത്തിലാണ്. ഇത് ഒന്പതാമത്തെ വര്‍ഷമാണ് വില്‍സന്‍ പാവറട്ടി തിരുനാളിന് ദീപാലങ്കാരവിസ്മയം തീര്‍ക്കുന്നത്.ഒന്നേകാല്‍ ലക്ഷം ബള്‍ബുകള്‍ ഉപയോഗിച്ചാണ് ദേവാലയതിരുനെറ്റിയില്‍ ദീപാലങ്കാരം തീര്‍ക്കുക. ഇരുപതോളം തൊഴിലാളികള്‍ മൂന്നാഴ്ചയായി ഇതിന്‍റെ ഒരുക്കത്തിലാണ്. ഇലുമിനേഷന്‍ കമ്മിറ്റി കണ്‍വീനര്‍ വര്‍ഗീസ് തെക്കക്കരയുടെ നേതൃത്വത്തിലാണ് അലങ്കാരപണികള്‍ പുരോഗമിക്കുന്നത്.വെള്ളിയാഴ്ച രാത്രി എട്ടിന് പാവറട്ടി സെന്‍റ് ജോസഫ് ആശ്രമാധിപന്‍ ഫാ. സെബി പാലമറ്റത്ത് ദീപാലങ്കാരത്തിന്‍റെ സ്വിച്ച്ഓണ്‍ കര്‍മം നിര്‍വഹിക്കും. തുടര്‍ന്ന് സാന്പിള്‍ വെടിക്കെട്ട്
പ്രത്യേക പരിശീലനക്യാന്പ്
വിശുദ്ധ യൗസേപ്പിതാവിന്‍റെ മധ്യസ്ഥതിരുനാള്‍ ഒരുക്കങ്ങളുടെ ഭാഗമായി വേണ്ട മാര്‍ഗനിര്‍ദേശങ്ങള്‍ നല്കുന്നതിനുള്ള പ്രത്യേക പരിശീലന ക്യാന്പ് നാളെ വൈകീട്ട് ആറിന് പാവറട്ടി പള്ളി പാരിഷ്ഹാളില്‍ നടത്തും. കുന്നംകുളം ഡിഐhFസ്പി പി. രാധാകൃഷ്ണന്‍ ക്യാന്പ് ഉദ്ഘാടനം ചെയ്യും. തീര്‍ഥകേന്ദ്രം വികാരി ഫാ. നോബി അന്പൂക്കന്‍ അധ്യക്ഷത വഹിക്കുന്ന ക്യാന്പില്‍ ഗുരുവായൂര്‍ സിഐ അഭിലാഷ്, പാവറട്ടി എസ്ഐ അനില്‍ ജെ. റോസ് എന്നിവര്‍ സംബന്ധിക്കും.അച്ചടക്ക പരിപാലനത്തിനും തീര്‍ഥാടകരെ സഹായിക്കുന്നതിനുമുള്ള പ്രത്യേക വളണ്ടിയര്‍ സേനയില്‍ 40 ഗ്രൂപ്പ് ക്യാപ്റ്റന്‍മാരുടെ നേതൃത്വത്തില്‍ ആയിരത്തോളം പേരാണ് പ്രവര്‍ത്തിക്കുക.
തിരുനാളിന് കൊടികയറി
ദക്ഷിണേന്ത്യയിലെ സുപ്രസിദ്ധ തീര്‍ഥകേന്ദ്രമായ പാവറട്ടി സെന്‍റ് ജോസഫ് തീര്‍ഥകേന്ദ്രത്തില്‍ വിശുദ്ധ യൗസേപ്പിതാവിന്‍റെ തിരുനാളിന് കൊടികയറി. ഇന്നലെ രാവിലെ വിശുദ്ധ അന്തോണീസിന്‍റെ കപ്പേളയിലെ ആഘോഷമായ ദിവ്യബലിക്കുശേഷമാണ് വികാരി ഫാ. നോബി അന്പൂക്കന്‍ കൊടിയേറ്റം നിര്‍വഹിച്ചത്.ഫാ. സജു വടക്കേത്തല, ഫാ. ജോസ് പുതുക്കരി, ഫാ. ജോബ് അറയ്ക്കാപറന്പില്‍ എന്നിവര്‍ തിരുക്കര്‍മ്മങ്ങള്‍ക്കു സഹകാര്‍മികരായിരുന്നു. തുടര്‍ന്ന് ദേവാലയത്തില്‍ വാഴ്വും ലദീഞ്ഞും തിരുശേഷിപ്പ് വന്ദനവും നടന്നു. ഇതോടെ തിരുനാളിന് ഒരുക്കമായ നവനാള്‍ ആചരണത്തിന് തുടക്കമായി. 24, 25 തീയതികളിലാണ് പ്രസിദ്ധമായ പാവറട്ടി തിരുനാള്‍. നവനാള്‍ ആചരണത്തിന്‍റെ ഭാഗമായി ഇന്നലെ മാതാപിതാക്കളുടെ ദിനമായി ആചരിച്ചു. ഇന്നു കുട്ടികളുടെ ദിനമായി ആചരിക്കും. വൈകീട്ട് അഞ്ചിന് ദിവ്യബലിക്കും പ്രത്യേക പ്രാര്‍ത്ഥനാശുശ്രൂഷകള്‍ക്കും ഫാ. ജോസഫ് ആലപ്പാട്ട് മുഖ്യകാര്‍മികത്വം വഹിച്ചു.
പാവറട്ടി തിരുനാള്‍ 24നും 25നും
തീര്‍ഥകേന്ദ്രത്തിലെ വിശുദ്ധ യൗസേപ്പിതാവിന്‍റെ മാധ്യസ്ഥതിരുനാള്‍ 24നും 25നും ആഘോഷിക്കും. 24ന് രാവിലെ പത്തിന് ഫാ. സജു വടക്കേത്തല നൈവേദ്യ പൂജാര്‍പ്പണം നടത്തും. തുടര്‍ന്ന് വികാരി ഫാ. നോബി അന്പൂക്കന്‍ നേര്‍ച്ചഭക്ഷണം ആശീര്‍വദിക്കുന്നതോടെ പ്രസിദ്ധമായ പാവറട്ടി നേര്‍ച്ചസദ്യയ്ക്ക് തുടക്കമാകും. രണ്ടുലക്ഷത്തോളം പേര്‍ക്കാണ് നേര്‍ച്ചസദ്യ. കൂടാതെ അരി, അവില്‍, നേര്‍ച്ച ഊണ് എന്നിവ പ്രത്യേക പാക്കറ്റുകളില്‍ ഒരുക്കും. വൈകീട്ട് അഞ്ചരയ്ക്ക് അതിരൂപത സഹായമെത്രാന്‍ മാര്‍ റാഫേല്‍ തട്ടിലിന്‍റെ മുഖ്യകാര്‍മികത്വത്തില്‍ സമൂഹബലി. ലൂര്‍ദ് കത്തീഡ്രല്‍ വികാരി ഫാ. ജോസ് പുന്നോലിപ്പറന്പിലാണ് സഹകാര്‍മികന്‍. വൈകീട്ട് ഏഴരയ്ക്കാണ് കൂടുതുറക്കല്‍ ശുശ്രൂഷ.തുടര്‍ന്ന് വിശുദ്ധന്‍റെ തിരുസ്വരൂപം എഴുന്നള്ളിച്ച് പള്ളിയുടെ മുഖമണ്ഡപത്തില്‍ സ്ഥാപിച്ച രൂപക്കൂട്ടില്‍ പൊതുവണക്കത്തിനായിവെയ്ക്കും. കരിമരുന്നിന്‍റെ മാസ്മരികതയാണ് പിന്നീട്. കുടുംബകൂട്ടായ്മകളുടെയും വിവിധ സമുദായങ്ങളുടെയും നേതൃത്വത്തിലുള്ള വളയെഴുന്നള്ളിപ്പുകള്‍ തീര്‍ഥകേന്ദ്രത്തിലേക്ക് ഇതേത്തുടര്‍ന്ന് പുറപ്പെടും. രാത്രി 12ന് വളയെഴുന്നള്ളിപ്പുകള്‍ ദേവാലയത്തിലെത്തി സമാപിക്കുന്നതോടെ വടക്...