മലയാളം / ഇംഗ്ലീഷ് മെനുവില് പ്രവര്ത്തിക്കുന്നതും 2020-21 സാമ്പത്തീക വര്ഷത്തിലെ നികുതി മുന്പേ ഊഹിച്ചെടുത്തു അതിനനുസൃതമായി മുന്പേ തന്നെ മാസം തോറും ഗഡുക്കളായി നികുതി അടക്കുന്നതിനുള്ള സ്റെറെമെന്റ്റ് തയ്യാറാക്കാനായി ഈ എക്സെല് അധിഷ്ഠിതമായ സോഫ്റ്റ്വെയര് കൊണ്ട് കഴിഞ്ഞേക്കാം.
2020-21 സാമ്പത്തീക
വര്ഷത്തില് എങ്ങിനെ വരുമാന നികുതി കണക്കാക്കാം
2020
ഫെബ്രുവരിയില് അവതരിപ്പിച്ച ബജറ്റില്, മുന് കാലങ്ങളില് ഒന്നും കാണാത്ത
വിധത്തിലുള്ള വരുമാനനികുതി സമ്പ്രദായമാണ് ആവിഷ്കരിച്ചിരിക്കുന്നത്. പ്രധാനവ്യത്യാസം നികുതി സ്ലാബിന്റെ കാര്യത്തില് രണ്ടു CHOICE
കളില് ഇഷടപ്പെട്ടത്
തിരഞ്ഞെടുക്കുന്നതിനുള്ള സാദ്ധ്യത നികുതിദായകന് നല്കുന്നു എന്നതാണ് :-
1.
ഒന്നുകില് 2019-20 ല്
(കഴിഞ്ഞ വര്ഷം) നിലനിന്നിരുന്ന അതേ നികുതി നിരക്കും, ഇളവുകളുടെ സാധ്യതകളും അടങ്ങിയ
CHOICE 1 അതേപടി സ്വീകരിക്കാം (OLD REGIME)
2.
അല്ലെങ്കില് പുതിയ
ലഘൂകരിച്ച നികുതി നിരക്കും, അതോടൊപ്പം ഇളവുകള് എല്ലാം തടയപ്പെട്ട (87- A, 89 [1] റിബേറ്റ് ഒഴികെ) CHOICE സ്വീകരിക്കാം (NEW
REGIME)
3.
CHOICE 1 വേണമോ
CHOICE 2 വേണമോ എന്നത് എപ്പോള് വേണമെങ്കിലും മാറി പരിഗണിക്കാം
(OLD REGIME)
2019-20 സാമ്പത്തീക വര്ഷത്തില് നമ്മള് അനുവര്ത്തിച്ചു പോന്ന നിരക്കാണ് ഇത്.
ഈ രീതിയില് സാധാരണ വ്യക്തി, സീനിയര് സിറ്റിസണ്, സൂപ്പര്
സീനിയര് സീറ്റിസണ് എന്നിങ്ങനെ മൂന്ന് വിഭാഗങ്ങള് ആക്കി തിരിച്ച് ഓരോ വിഭാഗത്തിനും വ്യത്യസ്ത
നികുതി സ്ലാബുകളായിരുന്നു. ആകെ വരുമാനത്തില് നിന്നും വ്യത്യസ്ത
തരത്തിലുള്ള കിഴിവുകള് കുറച്ചതിന് ശേഷമാണ് ടാക്സബിള് ഇന്കം കണക്കാക്കുന്നത്. Standard Deduction, Professional Tax, Entertainment
Allowance, HRA, NPS Contribution, Housing Loan interest Deductions,
80 C, Chapter VI-A യിലെ മറ്റു കിഴിവുകള് തുടങ്ങിയവ കുറച്ചു ഭീമമായി താഴ്ത്തപ്പെട്ട വരുമാനത്തിന്റെ അടിസ്ഥാനത്തിലാണ്
നികുതി കണക്കാക്കുന്നത്. ഇതുമൂലം പരമാവധി
നിക്ഷേപങ്ങള് നടത്തി നികുതി
കുറക്കുന്നതിനുള്ള സാധ്യത നിലവിലുണ്ട്. നിരക്കുകള് ചുവടെ .
ഈ ഓപ്ഷന്
സ്വീകരിക്കുന്ന പക്ഷം 2019-20 സാമ്പത്തീക വര്ഷം നമ്മള് നേടിയിരുന്ന എല്ലാ ഇളവുകളും അതേപടി ഈ വര്ഷവും
അനുഭവിക്കാന് കഴിയുന്നു. ഇളവുകളുടെ വിവരങ്ങള് എന്താണെന്ന് ഒടുവില്
വിവരിക്കുന്നുണ്ട് .
(NEW REGIME)
ഒരു കൈ കൊണ്ട് തലോടുകയും മറുകൈ കൊണ്ട് കുത്തിനു
പിടിക്കുകയും ചെയ്യുന്ന ന്യൂ-ജന് രീതിയാണ് ഇത്
ഈ പുതിയ നികുതി രീതിപ്രകാരം വരുമാനത്തെ 7
സ്ലാബുകളാക്കി തിരിച്ചാണ് നികുതി കണക്കാക്കുന്നത്. മൊത്തം വരുമാനത്തെ രണ്ടര ലക്ഷം
രൂപയുടെ ഭാഗങ്ങളായി തിരിച്ച് താരതമ്യേന
പഴയ നിരക്കിനെക്കാള് കുറഞ്ഞ നിരക്കിലാണ് ഇവിടെ നികുതി ഈടാക്കുന്നത്. എന്നാല്
ഇവിടെ ആകെ വരുമാനത്തില് നിന്നും ഒരു തരത്തിലുള്ള ഇളവും അനുവദിക്കുന്നില്ല എന്ന ഗതികേടുണ്ട്. Professional Tax, Entertainment Allowance, HRA, Standard
Deduction, NPS Contribution, Housing Loan interest Deductions,
80 C , Chapter VI-A യിലെ മറ്റു കിഴിവുകള് SB deposit കളുടെ നിഷേപങ്ങളുടെ പലിശക്ക് കിടിയിരുന്ന കിഴിവ് തുടങ്ങിയവ ഒന്നും തന്നെ അനുവദിക്കുന്നതല്ല. ചുമ്മാ
പറഞ്ഞാല് Gross Income തന്നെയാണ് ഇവിടെ ടാക്സബിള് ഇന്കം ആയി പരിഗണിക്കപ്പടുന്നത്.
എന്നാല് മുട്ട് ശാന്തി എന്നവണ്ണം ടാക്സബിള്
ഇന്കം 5 ലക്ഷത്തില് താഴെയാണെങ്കില് മുന് രീതിയിലെന്ന പോലെ തന്നെ 87(A) വകുപ്പ് പ്രകാരം 12,500 രൂപയുടെ റിബേറ്റ്
(നികുതിയില് നിന്നും നേരിട്ടുള്ള കുറക്കല്) ഈ സ്കീമിലും ലഭിക്കുന്നു.
ഈ option സ്വീകരിച്ചാല്, പ്രായം കൂടുന്ന മുറക്ക്
നികുതി കുറവ് ലഭ്യമാക്കുന്ന സമ്പ്രദായമായ ‘സാധാരണ വ്യക്തി, സീനിയര്
സിറ്റിസണ്, സൂപ്പര് സീനിയര് സീറ്റിസണ്’ എന്നിങ്ങനെ വേര്തിരിവുകളൊന്നും
ലഭിക്കില്ല. എല്ലാവര്ക്കും ഒരേ നിരക്ക്. ന്യൂ ജന് പിള്ളാരെയും 80 കഴിഞ്ഞ ‘സൂപ്പര്അവശനേയും’
ഒരു ട്രാക്കില് ഓടിപ്പിക്കും. “ഹന്ത കഷ്ടം ജനാനാം” എന്നാരോ പറഞ്ഞതാണ് ഓര്മ്മ
വരുന്നത് !!
NEW REGIME നിരക്ക് ചുവടെ :-
(OLD REGIME) vs (NEW REGIME) ഏതു തിരഞ്ഞെടുക്കണം ?
പഴയ രീതിയാണോ പുതിയ രീതിയാണോ ലാഭകരം എന്ന് ചോദിച്ചാല്
സാമ്പാര് ആണോ മീന് ചാറാണോ നല്ലത് എന്ന ചോദ്യം പോലിരിക്കും. അതിന് ഒറ്റവാക്കില് മറുപടി പറയുക സാധ്യമല്ല. കാരണം അത് ഓരോ
വ്യക്തികളുടേയും വരുമാനം, നിക്ഷേപസാദ്ധ്യത, പ്രായം എന്നിവക്കനുസരിച്ചു അന്തരം വരും. ചുമ്മാ
ലളിതമായി പറയുകയാണെങ്കില് നിക്ഷേപ
സാധ്യതകള് പരമാവധി ഉപയോഗപ്പെടുത്തിയിട്ടുള്ള ആളുകള്ക്ക് (പ്രത്യേകിച്ചും recoring scheme കള്) പഴയ വീഞ്ഞ്
തന്നെയാവും മധുരിക്കുക. നിക്ഷേപങ്ങള്
ഒന്നും ഇല്ലാത്ത / താരതമ്യേന കുറവുള്ള പുതുമോടികള്ക്ക് പുതിയ നിരക്കുകള്
പ്രയോജനപ്പെടുത്താം. Anticipatory Income Tax സോഫ്റ്റ് വെയര്കളില്
പൊതുവേ രണ്ടു രീതിയിലുള്ള നികുതിയും കാണിച്ചു തരും. ഇപ്പോള് പഴയ വീഞ്ഞ് രുചിച്ച ഒരുവന് അതേ ‘ബ്രാന്റ് ‘ തന്നെ വീണ്ടും ‘വീശണ’മെന്നില്ല.
ഏതു സമയത്ത് വേണമെങ്കിലും ‘പുതിയ കുപ്പിയെ തേടാം’ അതുപോലെ തന്നെ തിരിച്ചും ആകാം . ഇനി നിങ്ങള്
തന്നെ പറയൂ, സാമ്പാറാണോ മീന്ചാറാണോ നല്ലത് ?
To download PDF of this notes CLICK HERE
പഴയ നിരക്കുകള്
(Old Regim സ്വീകരിക്കുന്നവര്ക്ക് ലഭിക്കുന്ന ഇളവുകള് 2019-21
Financial year ല് ലഭിച്ചതിനു തുല്യമായതിനാല് ചുവടെ കാണുന്ന പഴയ കുറിപ്പ്
കാണുക