സെന്ട്രല് ഇന്ഡസ്ട്രിയല് സെക്യൂരിറ്റി ഫോഴ്സില് 1,149 കോണ്സ്റ്റബിള് ഒഴിവ്. പുരുഷന്മാര്ക്കാണ് അവസരം.
ഓണ്ലൈനായി അപേക്ഷിക്കാം. താത്കാലിക നിയമനമാണ്. കേരളത്തില് 40 ഒഴിവുകളുണ്ട്. ഇന്ത്യയിലെ വിവിധ സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും മിലിട്ടന്സി/ നക്സല് ബാധിത ജില്ലകളിലും മറ്റിടങ്ങളിലുമാണ് നിയമനം. കേരളത്തില് പാലക്കാട്, വയനാട്, മലപ്പുറം ജില്ലകളാണ് നക്സല് ഏരിയയില് ഉള്പ്പെട്ടിരിക്കുന്നത്.
യോഗ്യത: അംഗീകൃത സ്ഥാപനത്തില്നിന്ന് സയന്സ് വിഷയത്തില് പന്ത്രണ്ടാംക്ലാസ് പാസ് അല്ലെങ്കില് തത്തുല്യം. യോഗ്യതകള് അപേക്ഷയുടെ അവസാന തീയതിക്കു മുമ്പേ നേടിയതായിരിക്കണം.
പ്രായപരിധി: 18- 23 വയസ്. 04-03.2022 തീയതി അടിസ്ഥാനമായാണ് പ്രായം കണക്കാക്കുന്നത്. എസ്സി, എസ്ടി വിഭാഗത്തിന് അഞ്ചു വര്ഷവും ഒബിസി വിഭാഗത്തിന് മൂന്നും വര്ഷം വയസിളവ് ലഭിക്കും.
ശമ്പളം: 21,700- 69,100 രൂപ.
ശാരീരിക യോഗ്യത
ഉയരം: 170 സെമീ.
നെഞ്ചളവ്: 80- 85 സെമീ. അഞ്ച് സെമീ വികാസം.
ഭാരം: പ്രായത്തിനും ഉയരത്തിനും അനുസൃതമായ മെഡിക്കല് മാനദണ്ഡങ്ങള് അനസുരിച്ച്.
തെരഞ്ഞെടുപ്പ്: ഫിസിക്കല് എഫിഷ്യന്സി ടെസ്റ്റ് (പിഇടി)/ ഫിസിക്കല് സ്റ്റാന്ഡേഡ് ടെസ്റ്റ് (പിഎസിടി)/ എഴുത്തുപരീക്ഷ എന്നിവയിലൂടെയാണ് തെരഞ്ഞെടുപ്പ്. ഒഎംആര്/ കംപ്യൂട്ടര് ബേസ്ഡ് വഴിയാണ് എഴുത്തുപരീക്ഷ. കൂടാതെ മെഡിക്കല് എക്സാമിനേഷനും രേഖാ പരിശോധനയുമുണ്ടായിരിക്കണം.
അപേക്ഷാ ഫീസ്: 100 രൂപ. എസ്സി/ എസ്ടി/ വിമുക്തഭടര് എന്നിവര്ക്ക് ഫീസില്ല.
അപേക്ഷ: വിശദവിവരങ്ങള്ക്കും അപേക്ഷിക്കാനുമായി www.cisfrectt.in എന്ന വെബ്സൈറ്റ് കാണുക. ഈ വെബ്സൈറ്റില് വണ്ടൈം രജിസ്ട്രേഷന് ചെയ്താണ് അപേക്ഷിക്കേണ്ടത്. അപേക്ഷ സ്വീകരിക്കുന്ന അവസാന തീയതി മാര്ച്ച് നാല്.